Vodafone

Novo deseño e aposta pola tecnoloxía. Para facilitar ao cliente unha visita activa, nesta tenda 2.0 Vodafone creouse un espazo máis amplo sen barreiras nin mostradores, con máis iluminación e mobiliario natural que permite un trato máis próximo, directo e personalizado cos clientes. O deseño das novas tendas facilita unha experiencia dinámica na que o cliente pode interactuar de forma real con máis de 30 dispositivos. Ademais, introdúcese un novo sistema de xestión de fluxos de clientes que reduce o tempo que están na tenda. O novo modelo de atención comercial está baseado no uso da tecnoloxía e permite que os vendedores interactúen cos clientes nun contorno de mobilidade total, sen mostradores, atendéndoos cun tablet en lugar de nun posto fixo e con información sobre o perfil do cliente, o que facilita un mellor asesoramento.